Ocnus.Net
News Before It's News
About us | Ocnus? |

Front Page 
 
 Africa
 
 Analyses
 
 Business
 
 Dark Side
 
 Defence & Arms
 
 Dysfunctions
 
 Editorial
 
 International
 
 Labour
 
 Light Side
 
 Research
Search

Light Side Last Updated: Mar 7, 2020 - 2:30:06 PM


Da Kine Pidgin, Bruddahs
By Dr. Gary K. Busch, 7/3/20
Mar 7, 2020 - 2:28:23 PM

Email this article
 Printer friendly page

I was responding the other day to some posts in Krio and pidgin. I was asked how I knew pidgin. I explained that pidgin is an important world language spoken across the globe. They should be proud to know it. We speak pidgin in Hawaii; and indeed all across the South Pacific. We use local words as extras just as Nigerian pidgin and Krio uses indigenous languages as fillers. I remember my shock when I first arrived in Nigeria at the old airport in Lagos. As I was walking to the arrivals hall I was met by a small boy who asked me, in pidgin, if he could assist me with getting my luggage. I was taken aback in shock. I wondered how a black Hawaiian pikin had made his way to Africa. Then I heard others speaking and I knew that he must be Nigerian. To explain, here is a part of the first chapter of the Bible in Hawaiian pidgin so that the similarities with other pidgins are clear.

Da Start

God Make Da World

Da time wen eryting had start, God wen make da sky an da world.

Da world come so no mo notting inside, no mo shape notting. On top da wild ocean dat cova eryting, neva had light notting. Ony had God Spirit dea, moving aroun ova da watta.

Day Numba One

Den God say, "I like light fo shine!" an da light start fo shine.

God see how good da light. Den he put da light on one side, an da dark on da odda side.

Da light time, he give um da name "Day time." Da dark time, he give um da name "Nite time." So, had da nite time an da day time, az day numba one.

Day Numba Two

Den God say, "I like get someting inside da middo, fo no let da watta up dea an da watta undaneat come togedda!"

An dass wat God wen do. God make someting fo no let da watta up dea an da watta undaneat come togedda.

Da ting inside da middo, God give um da name "Da Sky." Had da nite time an da day time, az day numba two.

Day Numba Three

Den God say, "I like da watta unda da sky come togedda one place, so dat get dry land!" An dass wat God wen do.

Da dry groun, God give um da name "Land," an da watta dat wen come togedda one side, he give um da name "Sea." God look da dry groun an da sea, an he tell, "Real, real good, all dat!"

Den God say, "I like da land, get all diffren kine plant grow! Da kine plants dat make dea own kine seed, an da kine trees dat make da fruits wit da seed inside, eryting!" An dass wat God wen do.

So da land wen make all diffren kine plant grow, da kine plants dat make dea own kine seed, an da kine trees dat make da fruits wit dea own kine seed inside, eryting. An God look da plants, an he tell, "Real, real good, all dat!"

Had da nite time an da day time, az day numba three.

Day Numba Four

Den God say, "I like put lights up dea inside da sky! Dass fo make da day time diffren den da nite time. Dass fo show da time fo do tings, an da odda kine days fo do someting, an da years.

I like get lights up dea inside da sky, fo make light all ova da world!" An dass wat God wen do.

God make da two big lights. Da big light, he make um fo be da main one day time, an da odda light, he make um fo be da main one nite time. He even make da stars too.

God put da lights up dea inside da sky, fo make light shine on top da groun, day time an nite time, an fo make da light an da dark diffren. An God look da day an da nite, an he tell, "Real, real good, all dat!"

Had da nite time an da day time, az day numba four.

Day Numba Five

Den God say, "Inside da watta, I like get choke diffren kine fishes an odda kine tings dat live dea! Up inside da sky, I like get plenny bird an any kine tings dat fly up ova da groun!"

God make all da big kine fishes an odda kine tings dat live inside da ocean, an choke plenny small kine fishes an odda kine tings dat move aroun inside da watta, an all kine birds an bugs wit wings. An God look da tings inside da watta an da tings dat fly, an he tell, "Real, real good, all dat!"

Den God tell da fishes an birds an all da odda kine life, "I give you da powa so you can do eryting I wen make you fo do. So, I like you get plenny bebes, an fill up da ocean wit um. You birds too, I like you fo do da same ting an fill up da world!"

Had [da] nite time an [da] day time, az day numba five.

Day Numba Six

Den God say, "I like da land make all kine diffren tings! da animals dat live wit peopo, an da small kine animals, an da wild animals." An dass wat wen happen.

God wen make um all: all kine wild animals, an all kine animals dat live wit peopo, an all da small kine animals dat run aroun on top da groun. An God look da animals, an he tell, "Real, real good, all dat!"

Den God say, "Now, I like make peopo. I like dem be like me, jalike one copy. Dey goin be in charge a eryting: da fishes inside da ocean, da birds inside da sky, da animals, all da land, an all da small kine animals dat go aroun on top da groun."

So God make da peopo, same same jalike one copy a him. Fo start, he make one guy an one wahine.

Den God tell um, "I give you guys da powa so you can do eryting I wen make you fo do. So, get plenny bebes, an fill up da world wit um, an take ova! You guys in charge a da fishes inside da ocean, an da birds inside da sky, an all da animals dat move aroun on top da groun."

An God say dis too: "You know wat? I give you guys all da plants all ova da world dat make seed, an all da trees dat make fruits wit da seed inside. Dat fo you guys eat.

An fo all da wild animals, an fo all da birds inside da sky, an fo all da animals moving aroun on top da groun -- eryting dat stay alive, I give dem all da grasses an odda kine green plants fo dea food." An dass wat God wen do.

God look eryting he wen make, an he say, "Real, real good, all dat!" An had da nite time an da day time, az day numba six.


Source:Ocnus.net 2020

Top of Page

Light Side
Latest Headlines
A Brief History of the Codpiece, the Personal Protection for Renaissance Equipment
Making My Moan
Elusive Enigma Flies Again
Post modern: why millennials have fallen in love with stamp collecting
Czech nudists told to wear face masks by police
British Writer Pens The Best Description Of Trump Iíve Read
National Incompetence Stockpiles at Full Capacity
Astrophysicist gets magnets stuck up nose while inventing coronavirus device
Da Kine Pidgin, Bruddahs
L'Enfer Congolais